ពិធីសម្ពោធដាក់ឲ្យប្រើប្រាស់ផ្លូវបេតុងមួយខ្សែប្រវែង ៧៩០ម៉ែត្រ ស្ថិតក្នុងសង្កាត់ច្រកម្ទេស ក្រុងបាវិត ខេត្តស្វាយរៀង…

(ស្វាយរៀង)÷ ព្រឹកថ្ងៃសុក្រ ទី០៤ ខែវិច្ឆិកា ឆ្នាំ២០២២ ផ្លូវបេតុងមួយខ្សែ ស្ថិតក្នុងសង្កាត់ច្រកម្ទេស ក្រុងបាវិត ខេត្តស្វាយរៀង បានរៀបចំពិធីកាត់ខ្សែរបូណ៍ សម្ភោធដាក់អោយប្រើប្រាស់ជាផ្លូវការ។

ពិធីសម្ពោធដាក់ឲ្យប្រើប្រាស់នេះស្ថិតក្រោមអធិបតីភាពលោក ប៉ែន ភារុណ អភិបាលរងក្រុងបាវិត តំណាងឱ្យលោក លឹម សៀងហេង អភិបាលក្រុងបាវិត។

និងមានការចូលរួម លោក ហួត សាម៉ៃ ចៅសង្កាត់ច្រកម្ទេស លោកគ្រូចៅអធិការវត្តសាលាកណ្តាលលោកគ្រូអាចារ្យ ប្រជាពលរដ្ឋក្នុងភូមិព្រៃផ្តៅ ភូមិធ្លក និង លោក រាជ សំអាត លោក គឹម ឡេង នាយកក្រុមហ៊ុន ហាយប្រ៊ីដ ហ្គាប៊ែឆ។

ក្នុងឱកាសនោះដែរ លោក ប៉ែន ភារុណ មានប្រសាសន៍ថា នេះជាវឌ្ឍនៈភាពមួយដែលសង្កាត់ច្រកម្ទេសទទួលបាននៅសមិទ្ធផលផ្លូវចាក់បេតុងប្រវែង ៧៩០ ម៉ែត្រ ដើម្បីបម្រើផលប្រយោជន៍សង្គម និងជាប្រយោជន៍ដល់ប្រជាពលរដ្ឋទាំងអស់ ដែលធ្វើដំណើរតាមផ្លូវនេះ ជាពិសេសបងប្អូនប្រជាពលរដ្ឋរស់នៅក្នុងមូលដ្ឋាន សង្កាត់ច្រកម្ទេស។

សមិទ្ធផលនេះជួយសម្រួលដល់ការធ្វើដំណើររបស់បងប្អូនកម្មករកម្មការនីរោងចក្រ នៅពេលបងប្អូនចេញទៅបំពេញការងារបានទាន់ពេលវេលា ជាពិសេសសម្រួលដល់បងប្អូនប្រជាកសិករ ដឹកកសិផលទៅទីផ្សារ និងងាយស្រួលក្នុងការធ្វើដំណើរប្រកបអាជីវកម្ម ដើម្បីកាត់បន្ថយភាពក្រីក្ររបស់បងប្អូនប្រជាពលរដ្ឋបានមួយកម្រិត។

សមិទ្ធផលទាំងអស់នេះ គឺជាការយកចិត្តទុកដាក់របស់ប្រមុខរាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឲ្យប្រទេសជាតិយើងមានសុខសន្តិភាព និងមានការអភិវឌ្ឍរីកចម្រើនលើគ្រប់វិស័យ។

លោក ប៉ែន ភារុន លោក ហួត សាមៃ៉ សុំឱ្យបងប្អូនប្រជាពលរដ្ឋទាំងអស់មេត្តា ជួយថែទាំផ្លូវបេតុងដែលទើបនិងសម្រេចបាននេះ ព្រោះផ្លូវនេះគឺជារបស់បងប្អូនទាំងអស់គ្នាចាប់ពីថ្ងៃនេះតទៅ។

និងសូមថ្លែងអំណរគុណដល់សប្បុរសជនទាំងអស់ ក៏ដូចជាក្រុមហ៊ុន ហាយប្រ៊ីដ ហ្គាប៊ែឆ និងសូមជូនពរឱ្យអស់លោកលោកស្រី ជួបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ។